ទៅលេងរមណីយដ្ឋាន ឧទ្យានដងព្រែក សប្បាយកប់ !
ឧទ្យានដងព្រែក ជារមណីយដ្ឋានសម្រាកលំហែកាយដ៏ពេញនិយមមួយ នៅនៅក្នុងទឹកដីនៃខេត្តកំពត ដែលភ្ញៀវទេសចររាប់រយនាក់ក្នុងមួយថ្ងៃៗបាននាំគ្នាទៅលំហែកាយនៅទីនោះ ប្រកបដោយភាពសប្បាយរីករាយ ។ ឧទ្យានដងព្រែកមានទីតាំងស្ថិតនៅជិតតំបន់ទឹកឈូ ដែលមានចម្ងាយពីខេត្តកំពតប្រហែល ១០ គីឡូម៉ែត្រ។
រៀងរាល់ចុងសប្ដាហ៍ និង ថ្ងៃឈប់សម្រាកបុណ្យជាតិម្តងៗ ឧទ្យានមួយនេះ មានភ្ញៀវទេសចរទៅកម្សាន្តយ៉ាងច្រើន ដែលក្នុងនោះ ៨០ ភាគរយ ជាភ្ញៀវជាតិ និង ២០ភាគរយទៀតជាភ្ញៀវអន្តរជាតិ។ ក្រៅពីការលេងទឹកយ៉ាងសប្បាយរីករាយហើយនោះ លោកអ្នកក៏អាចកម្សាន្តជាមួយនឹងការជិះទូកនៅក្នុងទឹកព្រែក ដែលមានទឹកថ្លាយង់ គយគន់ទេសភាពនៅតាមមាត់ព្រែកយ៉ាសប្បាយរីករាយទៀតផង ។ ហើយលោកអ្នកក៏អាចសាកល្បងលេងល្បែងកម្សាន្តថ្មី បែបព្រឺព្រួចនោះគឺការជិះខ្សែរ៉តចេញពីដើមឈើកម្ពស់ជាង ១០ម៉ែត្រ ដើម្បីឆ្លងពីត្រើយម្ខាងទៅត្រើយម្ខាងទៀតនៃដងព្រែកកំពតដោយអារម្មណ៍ភ័យផង សប្បាសផង ។
0 Comments
Post a Comment