ចាប់តាំងពីថ្ងៃទី ១ ខែវិច្ឆិកាឆ្នាំមុន សេវារថយន្តក្រុងបានដំណើរការឡើងវិញ បន្ទាប់ពីឈប់សម្រាករយៈពេល ២ ឆ្នាំដោយសារជំងឺរាតត្បាតកូវិត១៩ ហើយរថយន្តក្រុងកំពុងដំណើរការតែលើផ្លូវចំនួន ៤ខ្សែ ដែលបានជ្រើសរើសប៉ុណ្ណោះ។
លោក កើត ឆែ អភិបាលរងរាជធានីភ្នំពេញបានមានប្រសាសន៏កាលពីម្សិលមិញថា ពេលនេះមន្ត្រីកំពុងជួយឲ្យប្រតិបត្តិកររថយន្តក្រុងចូលបម្រើសេវាកម្មដឹកជញ្ជូនសាធារណៈយ៉ាងពេញទំហឹង ជាមួយនឹងប្រជាពលរដ្ឋជាច្រើនទើបងាកមកប្រើប្រាស់មធ្យោបាយធ្វើដំណើរសាធារណៈជំនួសយានជំនិះរបស់ពួកគេ។
លោកថា៖ « មន្ត្រីនឹងឲ្យប្រតិបត្តិកររថយន្តក្រុង ផ្តល់សេវាដឹកជញ្ជូនគ្រប់ផ្លូវ ដើម្បីបំពេញតម្រូវការសាធារណៈ ដើម្បីឲ្យពួកគេអាចធ្វើដំណើរប្រកបដោយសុវត្ថិភាពទៅកាន់គោលដៅរៀងៗខ្លួនបានទាន់ពេលវេលា ខណៈព្យាយាមធ្វើការងារដើម្បីបំពេញការចំណាយប្រចាំថ្ងៃ និងគ្រួសាររបស់ពួកគេ»។
លោកបានមានប្រសាសន៍ថា ពីដំបូងតម្រូវការដឹកជញ្ជូនរថយន្តក្រុងសាធារណៈប្រចាំថ្ងៃមានអ្នកដំណើរតិចជាង ៣,000 នាក់ ហើយឥឡូវនេះបានកើនឡើងដល់ជាង ១0,000 នាក់ក្នុងមួយថ្ងៃ ជាពិសេសអ្នកប្រើប្រាស់សំខាន់ៗគឺសិស្ស និស្សិត អាជីវករ ប្រជាពលរដ្ឋនិងកម្មករ។
លោក អ៊ាន សុខឃីម ប្រធានរដ្ឋាករស្វ័យតដឹកជញ្ជូនសាធារណររថយន្តក្រុង បាននិយាយកាលពីម្សិលមិញថាមានរថយន្តក្រុងជាង ៩0 គ្រឿងនៅលើដងផ្លូវ ហើយពួកគេក៏បានមើលឃើញថាចំនួនមនុស្សប្រើប្រាស់សេវារបស់ពួកគេបានកើនឡើងចាប់តាំងពីពាក់កណ្តាលខែមីនា។
លោកថា៖ « មនុស្សជាង ១0,000 នាក់ធ្វើដំណើរតាមឡានក្រុងជារៀងរាល់ថ្ងៃ ជាពិសេសសិស្សានុសិស្ស។ ទោះជាយ៉ាងណាក៏ដោយ ប្រសិនបើតួលេខនៅតែបន្តកើនឡើងបែបនេះ ផ្លូវទាំងបួន ប្រហែលជាមិនគ្រប់គ្រាន់សម្រាប់បម្រើប្រជាពលរដ្ឋទូទៅនោះទេ ហើយដូចដែលយើងបានស្នើសុំសាលារាជធានីភ្នំពេញ ឱ្យបើកផ្លូវទាំងអស់។ មន្ត្រីកំពុងដំណើរការអនុញ្ញាតឲ្យរថយន្តក្រុងធ្វើដំណើរគ្រប់ផ្លូវក្នុងពេលឆាប់ៗនេះ»។
លោកបាននិយាយថា ពួកគេនឹងធានាថាអ្នកដំណើរទាំងអស់របស់ពួកគេគោរពតាមវិធានការសុខភាពនៃការពាក់ម៉ាស់ ខណៈដែលពួកគេធ្វើតាមការណែនាំ។
លោក សុខឃីម បន្ថែមថា ទោះបីជាតម្លៃប្រេងឥន្ធនៈឡើងថ្លៃក៏ដោយ ក៏ពួកគេមិនបានដំឡើងថ្លៃសំបុត្រដែរ ដោយសារតម្លៃនេះនៅតែមានតម្លៃ ១.៥០០ រៀល ឬ ០.៧៥ ដុល្លារ។
ជាមួយគ្នានេះដែរ លោក ភុត សំណាង អ្នកបើកបររថយន្តក្រុង បាននិយាយថា គាត់ធ្វើការពីម៉ោង ១រសៀល ដល់ម៉ោង ៨យប់ ហើយក្នុងអំឡុងពេលវេន ការជិះរថយន្តក្រុង ច្រើនជាង ៥០០នាក់ ក្នុងមួយថ្ងៃ ដែលជាការកើនឡើង ៥០% បើធៀបនឹងពេលមុន។
លោកថា៖ « ខ្ញុំសង្ឃឹមថាផ្លូវទាំងអស់នឹងត្រូវបានបើក ហើយប្រជាជនអាចប្រើប្រាស់ការដឹកជញ្ជូនសាធារណៈទៅកាន់ឃុំពីគោលដៅមួយទៅគោលដៅមួយទៀតបានយ៉ាងងាយស្រួល»។ លោកបានបន្ថែមថា ការដឹកជញ្ជូនសាធារណៈ គឺជាសេវាកម្មមួយផ្សេងទៀតសម្រាប់សហគមន៍។
លី គីរី សិស្សថ្នាក់ទី៨ រៀននៅអនុវិទ្យាល័យចតុមុខ ធ្វើដំណើរពីក្រុងតាខ្មៅទៅសាលាជារៀងរាល់ថ្ងៃ ដោយសុវត្ថិភាព និងសន្សំសំចៃ។
សិស្សរូបនោះនិយាយថា«សម្រាប់សិស្ស ប្រតិបត្តិករឡានក្រុងមិនដែលគិតថ្លៃមួយសេនទេ។ ខ្ញុំបានចាប់ផ្តើមប្រើឡានក្រុងក្នុងខែនេះ ដោយសារឪពុកម្តាយខ្ញុំថា តម្លៃប្រេងឡើងខ្ពស់ ហើយវាល្អជាងក្នុងការប្រើប្រាស់សេវាដឹកជញ្ជូនសាធារណៈ»។
គីរី បាននិយាយថា ដំបូងគាត់មានអារម្មណ៍ឆ្គាំឆ្គងបន្តិច ប៉ុន្តែឥឡូវនេះគាត់កំពុងរីករាយនឹងការធ្វើដំណើរនេះ ព្រោះគាត់ក៏អាចធ្វើកិច្ចការផ្ទះរបស់គាត់បានដែរនៅលើរថយន្តក្រុង។
0 Comments
Post a Comment